जनकपुरमा मुख्य कार्यालय रहेको सहयोगी विकास बैंकले १० कित्ता बराबर तिन दशमलव पाँच कित्ताका दरले ११ लाख एक हजार एक सय ३५ कित्ता हकप्रद जारी गर्न अनुमति मागेको हो ।
बैंकको चुक्ता पूँजी ३१ करोड ४६ लाख रुपैँया रहेको छ । हकप्रद निष्काशन पश्चात बैंकको चुक्ता पूँजी ४२ करोड ४७ लाख रुपैँया पुग्नेछ । बैंकलाई राष्ट्र बैंकले तोकेको पूँजी पुर्याउन अब सात करोड ५३ लाख रुपैँया कम हुनेछ । यसलाई बैंकले बोनस वा मर्जरबाट पुरा गर्नेछ ।
बैंकले गत बर्षको कमाईबाट सेयरधनीलाई २२ प्रतिशत बोनस वितरण गरेको छ । आर्थिक बर्षको छ महिना अवधिमा बैंकले पाँच करोड ६५ लाख रुपैयाँ खुद नाफा कमाएपछि प्रतिसेयर आम्दानी ३५ रुपैँया ९८ पैसा पुगेको छ ।
उता हाम्रो विकास बैंकले पनि धितोपत्र बोर्डसँग दुई सय प्रतिशत हकप्रद जारी गर्न स्वीकृति मागेको हो । बैंक १० कित्ता बराबर २० कित्ताका दरले ३० लाख ५८ हजार तीन सय ३८ दशमलव ७५ कित्ता हकप्रद निष्काशनको अनुमति माग्न बोर्ड पुगेको हो ।
१५ करोड २९ लाख रुपैँया चुक्ता पूँजी रहेको बैंकको हकप्रद पश्चात चुक्ता पूँजी ४५ करोड ८७ लाख रुपैँया पुग्नेछ । बैंकलाई राष्ट्र बैंकले तोकेको पूँजी पुर्याउन अब चार करोड १३ लाख रुपैँया कम हुनेछ । यसलाई बैंकले बोनस जारी गरेर पुरा गर्ने साधारणसभाबाट निर्णय गरेको छ ।
गत बर्षको कमाईबाट लगानीकर्तालाई २५ प्रतिशत बोनस प्रदान गरेको बैंकले चालु आर्थिक बर्षको दोस्रो त्रैमाससम्ममा दुई करोड १५ लाख रुपैंया खुद नाफा कमाएर प्रतिसेयर आम्दानी २८ रुपैँया १३ पैसा कायम गरेको छ ।