लिलामको प्रबन्ध मिलाउने एस क्यापिटलका अनुसार ९ हजार दुई सय जना मध्ये दुई हजार एकसय जनाले सेयर पाएका हुन् । लिलाममा भाग लिनेले प्रति कित्ता छ सय एक रुपैयाँसम्म मूल्य हालेका थिए ।
आईतबार खोलिएको लिलाममा सबै बोलपत्रहरु हेरेर बिबरण रुजु गर्दा सोमबार साँझ मात्रै नतिजा बाहिर ल्याउन सकिएको हो । एस क्यापिटलका कर्मचारीहरुले आईतबार रातभरि बोलपत्रहरु खोलेर बिबरणहरु कम्प्युटरमा प्रबिष्ट गरेका थिए ।
अहिले एस क्यापिटलले बिबरण मात्रै तयार गरेको र कृषि बिकास बैंकका तर्फबाट आधिकारिक निर्णय भएपछि मात्र आधिकारिक कुराहरु सार्वजनिक हुने बताईएको छ ।
कृषि बिकास बैंकले ५० प्रतिशत हकप्रद निश्काशन गर्दा नबिकेको साधारण सेयर लिलाममा निकालेको हो । यो सेयर बिक्रीबाट आउने कम्तिमा ६० करोड रुपैयाँ उसको जगेडा कोषमा जाने भएको छ ।
