बंगलादेश बैंकको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ । बैंकले प्रति कित्ता एक सय रुपैयाँका अंकित मूल्यको ३ अर्ब २० करोड ९४ लाख ६ हजार ८ सय ८० रुपैयाँ बराबरको ३ करोड २० लाख ९४ हजार ६८ दशमलब ८० कित्ता हकप्रद सेयरको जारी गर्ने अनुमति पाएको हो ।
यससँगै बैंकको बुक क्लोज मिति तय भई नसकेको नभएपनि चैतमा हुने देखिएको छ । राष्ट्र बैंकले तोकेको आठ अर्ब चुक्ता पुँजी पुर्याउन ८० प्रतिशत हकप्रद निष्काशन गर्न लागेको बैंकले धितोपत्र बोर्डबाट अनुमति पाउने वित्तिकै सेयर बिक्री प्रक्रिया अगाडि बढाउने यसअघि नै बताएको थियो ।
हाल बैंकको चुक्ता पूँजी ४ अर्ब १ करोड रुपैयाँ रहेको छ । हकप्रदपछि बैंकको पूँजी करिब ७ अर्ब २२ करोड ११ लाख रुपैँया पुग्नेछ । धितोपत्र बजारमा नेप्सेमा मंगलबार बैंकको सेयरमूल्य प्रतिकित्ता ६०८ रुपैयाँमा कारोबार भएको छ ।
बैंकले चालु आर्थिक वर्षको दोस्रो त्रैमासमा ५४ करोड ६ लाख रुपैयाँ खुद नाफा कमाएको छ । बैंकको प्रतिसेयर आम्दानी २७ रुपैयाँ अनि प्रतिसेयर नेटवर्थ १६४ रूपैयाँ छ । बैंकले सेयरधनीलाई गत बर्षको कमाईबाट असोज १८ सम्म कायम शेयरधनीहरुलाई ३२ प्रतिशत बोनस सेयर प्रदान गरेको थियो ।
