कम्पनीका अनुसार बुधबारको सञ्चालक समितिको बैठकले २४ दशमलव आठ प्रतिशत बोनस तथा एक दशमलव ३० प्रतिशत नगद लाभांस बितरणको प्रस्ताव गरेको हो । कम्पनीका एक अधिकारीले मेरोलगानीसँगको कुराकानीमा सञ्चालक समितिले उक्त लाभांस प्रस्ताव गरेको जानकारी मेरोलगानीलाई दिएका हुन् ।
इन्स्योरेन्सको अहिले चुक्ता पूँजी एक अर्ब छ करोड ९४ लाख ५३ हजार एक सय २५ रुपैंया रहेको छ । प्रस्तावित बोनस बीमा समिति तथा साधारण सभाबाट पारित भएर बितरण भए पछि उसको चुक्ता पूँजी एक अर्ब ३३ करोड ४६ लाख ७७ हजार पाँच सय रुपैंया पुग्नेछ ।