चालु आर्थिक वर्षको सुरुवातमा प्राइम कमर्शियल बैंकलाई हकप्रद निष्काशनको अनुमति दिएको धितोपत्र बोर्डले ३९ औं कम्पनीका रुपमा एनआईसी एशिया बैंकलाई १५ प्रतिशत हकप्रद निष्काशनको अनुमति दिएको हो । १५ प्रतिशत हकप्रद निष्काशन पश्चात बैंकको चुक्ता पूँजी छ अर्ब ७० करोड रुपैंया पुग्नेछ । बैंकको हकप्रद निष्काशनको काम सिभिल क्यापिटलले गर्नेछ ।
उता २३ दशमलव ७४ प्रतिशत हकप्रदको प्रस्ताव लिएर धितोपत्र बोर्ड पुगेको नेपाल बैंकको चुक्ता पूँजी छ अर्ब ५० करोड हाराहारीमा छ । धितोपत्र बोर्डको स्वीकृति पाएर हकप्रद निष्काशन गरे पछि बैंकको चुक्ता पूँजी आठ अर्ब रुपैंया नाघ्ने छ । बैंकले नियमित प्रकृया अनुरुप आगामी चैत २० गते साधारण सभा बोलाए पनि कुनै पनि किसिमको लाभांस प्रस्ताव गरेको छैन ।
त्यसै गरी गोर्खाज फाइनान्स पनि हाल कायम पूँजीको ५० प्रतिशत हकप्रद निष्काशनको स्वीकृति माग्दै धितोपत्र बोर्ड पुगेको छ । ५७ करोड ८६ लाख रुपैंया चुक्ता पूँजीको ५० प्रतिशत हकप्रद अनुमति मागेको फाइनान्सको हकप्रद निष्काशन पश्चात चुक्ता पूँजी ८७ करोड रुपैंयाको हाराहारीमा पुग्नेछ ।
