इन्स्योरेन्स कम्पनीले चुक्ता पूँजीको पचास प्रतिशत अर्थात दुई बराबर एक कित्ताको अनुपातमा १९ करोड २५ लाख सात हजार आठ सय ८१ रुपैयाँको हकप्रद निकाल्न लागेको हो । कम्पनीले धितोपत्र बोर्डबाट फागुन १२ गते ५० प्रतिशत हकप्रद सेयर निष्काशन गर्ने अनुमति पाइसकेको छ ।
कम्पनीको सेयर निष्काशन तथा विक्री प्रबन्धकमा प्रभु क्यापिटल लिमिटेड रहेको छ । अब क्यापिटलले १९ लाख २५ हजार ७८.८१ कित्ता हकप्रद सेयर बिक्री गर्ने व्यवस्था मिलाउनेछ ।
३८ करोड ५० लाख चुक्ता पुँजी रहेको कम्पनीले गत बर्षको कमाईबाट १७ प्रतिशत बोनस वितरण गरेको थियो ।प्रभुको हकप्रदपछि चुक्ता पूँजी ५७ करोड ७७ लाख नाघ्नेछ । जसको जगेडा कोषमा पाँच करोड ४० लाख,तथा जीवन बिमा कोष २६ करोड २७ लाख रुपैँया रहेको छ ।
चालु आर्थिक वर्षको दोस्रो त्रैमास पुस अन्त्यसम्ममा इन्सुरेन्सले दुई करोड ९२ लाख रुपैयाँ खुद नाफा कमाएर प्रतिसेयर आम्दानी वार्षिक १५ रुपैयाँ १७ पैसा कायम गरेको छ ।
केन्द्रिय कार्यालय सहित १९ शाखा तथा उपशाखाहरु बाट बीमा सेवा दिंदै आएको कम्पनीले आगामी दिनमा अरु शाखा बिस्तार गर्दै जाने लक्ष्य लिएको छ ।
