नेपाल लाइफको २५ प्रतिशत बोनस तथा नेरुडे लघुवित्तको २० प्रतिशत बोनस र ५० प्रतिशत हकप्रदपछि सेयरमूल्य समायोजन भएको हो । इन्सुरेन्सको समायोजित सेयरमूल्य प्रतिकित्ता १९३२ रुपैयाँ तथा लघुवित्तको ८६५ रुपैँया रहेको छ ।
औसत आधार मूल्य २२८२ रुपैयाँ तोकिएको नेपाल लाइफले चैत १४ गते बार्षिक साधारण सभा गर्दै छ । कम्पनीले चालु आर्थिक वर्षको दोस्रो त्रैमासमा १५ करोड ३० लाख रुपैयाँ खुद नाफा कमाएर प्रतिसेयर आम्दानी १४ रुपैयाँ १३ पैसा बनाएको छ ।
उता चैत १४ गतेदेखि ५० प्रतिशत हकप्रद जारी गर्न लागेको नेरुडे लघुवित्तको औसत आधार मूल्य १०४८ रुपैयाँ तोकिएको छ । कम्पनीले चैत ३१ गते बार्षिक साधारण सभा गर्दै छ । कम्पनीले चालु आर्थिक वर्षको दोस्रो त्रैमासमा चार करोड ६५ लाख रुपैयाँ खुद नाफा कमाएर प्रतिसेयर आम्दानी २५ रुपैँया ८७ पैसा कायम गरेको छ ।