टेलिकमले सेयर बिक्री प्रवन्धक एनएमबी क्यापिटल नागपोखरी नक्सालबाट चैत २ गतेदेखि १३ गतेसम्म नगद लाभांश शेयरधनीहरुलाई वितरण गर्ने जनाएको हो । उसले यो समयमा संकलन गर्ने नभ्याउने सेयरधनीलाई भने चैत १५ गतेपछि वितरण गर्दे जाने बताएको छ । क्यापिटलले एनएमबि बैंकमा खाता रहेका सेयरधनीलाई भने उनिहरुकै बैंक खातामा मंगलबार देखि नै नगद जम्मा गरिदिने जनाएको छ ।
कम्पनीले आर्थिक वर्ष २०७२/७३ को मुनाफाबाट सेयरधनीलाई ५१ प्रतिशत नगद लाभांश वितरण गर्ने प्रस्ताव पारित गरेको थियो । नेपाल टेलिकम नेपाल स्टक एक्सचेञ्जमा सूचिकृत कम्पनीहरु मध्ये सेयरपुँजीको आधारमा चुक्ता पुँजी १५ अर्ब रुपैयाँ रहेको सबैभन्दा ठूलो कम्पनी हो ।
टेलिकमले गत आर्थिक बर्षमा कुल राजस्व ३.६८ प्रतिशतले वृद्धि गरी खुद मुनाफा १३ अर्ब ६८ करोड रुपैयाँ कमाएको छ । उसले गत आर्थिक वर्षको तुलनामा ग्राहक संख्यामा समेत १५.६५ प्रतिशतले वृद्धि गरी पुस मसान्तसम्ममा कम्पनीको संचित नाफा ७८ अर्ब ८१ करोड रुपैयाँ पुगेको साधारणसभामा बताएको छ।