बैंकले फागुन २० गतेदेखि बुक क्लोज गरी चैत ९ गतेका लागि साधारण सभा बोलाएको छ । बैंकले गत आर्थिक वर्षको कमाईबाट २१ प्रतिशत बोनस प्रस्ताव गरेको छ ।
बैंकको हकप्रदमा लगानीकर्ताले बैशाख १० गतेसम्ममा आवेदन दिन सक्नेछन् । फागुन १९ गतेसम्म कायम बैंकका सेयरधनीले मात्रै हकप्रदमा आवेदन गर्न पाउनेछन् ।
बैंकको हकप्रद सेयरको बिक्रि प्रबन्धक सिद्धार्थ क्यापिटल रहेको छ ।
हाल बैंकको २ अर्ब ६९ करोड ९१ लाख रुपैयाँ चुक्तापूँजी छ । पचास प्रतिशत हकप्रद वितरण गरेपछि बैंकको पूँजी चार अर्ब चार करोड रुपैयाँ पुग्नेछ । गत आर्थिक वर्षको कमाईबाट २१ प्रतिशत बोनस सेयर बितरण पश्चात बैंकको चुक्ता पूँजी तीन अर्ब २६ करोड ५९ लाख रुपैंया पुग्ने छ ।
कुमारीले काष्ठमण्डप, महाकाली, काँक्रेबिहार विकास बैंक र पश्चिमाञ्चल फाइनान्सलाई एक्वायर गर्ने सम्झौता गरिसकेको छ । यी ४ वटा संस्थालाई एक्वायर गरेपछि कुमारी बैंकको चुक्ता पुँजी ६ अर्ब रुपैयाँ नाघ्नेछ ।