आस्बाबाट परेको आवेदनको विबरण आउने क्रम जारी रहेकाले अन्तिम नतिजा आउन केही समय लाग्ने क्यापिटलको भनाई छ । उसका अनुसार अनुसार एक लाख ८३ हजार आवेदनबाट उक्त रकम बराबरको सेयर 
माग गरिएको हो । जसमा आस्बाबाट मात्र ६२ हजारको हाराहारीमा सेयर आवेदन गरी लगानीकर्ताले १७ अर्ब बढीको सेयर माग गरेका छन् ।
चार्टर्डले चैत एक गते मंगलबारदेखि फेस भ्यालू एक सय रुपैयाँमा ११ सय ९० रुपैयाँ प्रिमियम जोडेर १२ सय ९० रुपैयाँका दरले तीन अर्ब ३० करोड रुपैयाँ बराबरको २५ लाख ५८ हजार १४० कित्ता थप नयाँ सेयर (एफपिओ) निष्काशन गरेको थियो ।
चार्टर्ड बैंकको एफपीओमा तीन दिनमा पौने १३ अर्ब रूपैयाँ बराबरको आवेदन परेकोमा शुक्रबारमात्र १७ अर्ब बढीको आवेदन परेको हो । अन्तिम दिन इन्स्योरेन्स कम्पनी लगायत ठुला लागनीकर्ताले यो रकममको आवेदन गरेका हुन् ।
हाल बैंकको चुक्ता पूँजी तीन अर्ब ७४ करोड ९९ लाख रुपैयाँ रहेको छ । एफपिओ निष्काशनपछि बैंकका चुक्ता पूँजी चार अर्ब ५७ करोड १५ लाख रुपैयाँ पुग्नेछ । एफपिआपछि बैंकको संस्थापक र साधारण सेयर संरचना ७०.२१ अनुपात २९.७९ कायम हुनेछ ।
