चालु आर्थिक वर्षको सुरुवात पछि मात्र धितोपत्र बोर्डले ४१ सुचिकृत कम्पनीहरुलाई हकप्रद सेयर निष्काशनको अनुमति दिइसकेको छ । सोही क्रममा हकप्रद अनुमतिका लागि सनराइज, गरिमा र गुडविल बोर्ड पुगेका हुन् ।
सनराइज बैंक हाल कायम चुक्ता पूँजीको ३० प्रतिशत हकप्रद निष्काशनको अनुमति माग्दै धितोपत्र बोर्ड पुगेको हो । त्यसै गरी गरिमा विकास बैंक हाल कायम चुक्ता पूँजीको ७० प्रतिशत हकप्रद निष्काशनको अनुमति माग्दै बोर्ड पुगेको छ भने गुडविल फाइनान्स पनि हाल कायम चुक्ता पूँजीको ६० प्रतिशत हकप्रद निष्काशनको माग गर्दै बोर्ड पुगेको हो ।
सनराइज बैंकले अहिलेको पूँजीको ३० प्रतिशतले हुने एक करोड ६३ लाख ५९ हजार छ सय ३६ कित्ता हकप्रद सेयर निष्काशन गर्न लागेको हो । गरिमा विकास बैंकले पनि ७० प्रतिशतका दरले हुने ९० लाख ७६ हजार दुई सय ९६ कित्ता सेयर निष्काशन गर्न लागेको हो । गुडविल फाइनान्सले पनि अहिले कायम पूँजीको ६० प्रतिशतले २७ लाख २२ हजार पाँच सय कित्ता हकप्रद सेयर निष्काशन गर्न लागेको हो ।
सनराईज बैंकको साधारणसभा कार्तिक ७ मा
गरिमाले पारित गर्यो २० प्रतिशत बोनस र ७० प्रतिशत हकप्रद
गुडविल फाईनान्सले २५ प्रतिशत बोनसपछि ६० प्रतिशत हकप्रद जारी गर्न बोलायो साधारणसभा