बैंकले यहि चैत ३१ गतेका लागि साधारण सभा बोलाएको हो । बैंकले साधारण सभा प्रयोजनका लागि चैत १८ गतेदेखि सेयरधनी पुस्तिका बन्द गर्ने जनाएको छ । बैंकले प्रस्ताव गरेको २० प्रतिशत बोनस सुरक्षित गर्न लगानीकर्ताले चैत १७ गते बिहीबारसम्ममा बैंकको सेयर खरिद गरिसक्नु पर्ने हुन्छ । बैंकले उक्त बोनसमा लाग्ने कर प्रयोजनका लागि एक दशमलव ०५३ प्रतिशत नगद लाभांस पनि बितरण गर्दैछ ।
बैंकले राष्ट्र बैंकले तोके अनुसार पूँजी वृद्धिको काम छाटो समयमा प्रभावकारी रुपमा पुरा गर्ने मार्गमा बैंक अघि बढेको बैंकका प्रमुख कार्यकारी अधिकृत लिलाप्रकाश सिटौलाले बताए । मेरोलगानीसँगको कुराकानीमा प्रमुख कार्यकारी सिटौलाले भने, ‘हामी बैंकलाई वाणिज्य बैंकहरुमा उत्कृट बैंक बनाउने बाटोमा छौं । यस क्रममा हामीले निर्धारित समयमा सबै कामहरु पुरा गर्दै अघि बढेका छौं । यसै क्रममा हकप्रद, लिलामी सकेर तत्कालै साधारण सभा पनि बोलाएको हौं ।’
सिटौलाका अनुसार पूँजी वृद्धि योजना अनुसार जगेडा कोषबाट चालु आर्थिक वर्षमा पनि राम्रो प्रतिफल दिएर चुक्ता पूँजी आठ अर्ब रुपैंया नघाउने योजनामा बैंक रहेको छ । तीन अर्ब ९३ करोड ७६ लाख रुपैयाँ चुक्तापूँजी रहेको बैंकको पचास प्रतिशत हकप्रदपश्चात पूँजी ५ अर्ब ९३ करोड ७६ लाख रुपैयाँ पुगेको छ । । २० प्रतिशत बोनसपछि बैंकको पूँजी सात अर्ब १२ करोड ५१ लाख रुपैयाँ पुग्नेछ ।