मेगाले लिलाममा ल्याएको सेयरमध्ये एक लाख ६८ हजार नौं सय ९२ कित्ता संस्थापक सेयर छ भने दुई लाख १७ हजार आठ सय ९० कित्ता साधारण सेयर रहेको छ । बैंकको सेयर निष्काशन तथा विक्री प्रवन्धक नबिल ईन्भेष्टमेन्ट एण्ड बैंकिंग लिमिटेड रहेको छ । ईच्छुक लगानीकर्ताले न्युनतम एक सय रुपैयाँमाथि अंकित मूल्य राखेर दश कित्ताको गुणांकमा क्यापिटलको कार्यालय नक्साल वा मेगा बैंकको केन्द्रिय कार्यालय कमलादीबाट लिलामीमा आवेदन गर्न सक्नेछन् ।
मेगामा आवेदकले न्युनतम एक सय कित्तादेखि अधिकतम एक लाख कित्ताका लागि चैत २० गतेसम्म बोलपत्र आवेदन पेश गर्न सक्नेछन् । कम्पनीले बोलकबोल नतिजा विक्री प्रवन्धकको कार्यालय नक्सालमा चैत २१ गते ३ बजे खोल्ने जनाएको छ ।
हाल टुरिजम डेभलपमेन्ट बैंकसँग मर्जमा रहेको मेगाको सेयर कारोबार बन्द हुनु अघि प्रति कित्ता चार सय ५८ रुपैयाँमा अन्तिम कारोबार भएको थियो । हाल सेयर किनबेचमा नरहेको र मर्ज सकिएर कहिले कारोबार खुल्ने हो भन्ने टुंगो नभएकाले बजारमा अन्तिम कारोबार भएको मूल्यमा ४० प्रतिशत भन्दा बढीले घटाएर लिलाममा सहभागी हुँदा दीर्घकालीन हिसाबले फाईदा हुनसक्छ ।
लिलाममा सहभागी हुनेहरु मध्ये कतिपयले बजारमा कारोबार भईरहेका कम्पनीको मूल्यको २० प्रतिशत भन्दा तल घटेर बोलपत्र पेश गर्ने र आफुले चाहेको मूल्यमा लिलामको सेयर पर्यो भने पहिले नै किनेर राखिएका सेयरहरु दोस्रो बजारमा बेच्ने गरेका छन् । तर मेगाको सबालमा कारोबार रोक्का रहेकाले त्यस्तो कृयाकलाप गर्नेहरु कम हुनसक्ने संभावना छ ।
उता वेष्टर्नले दुई लाख २५ हजार छ सय ३५ कित्ता सेयरका लागि चैत्र १३ गतेदेखि २१ गतेसम्मका लागि शिलबन्दी बोलपत्र आह्वान गरेको छ । जसमध्ये एक लाख ६३ हजार पाँच सय एक कित्ता संस्थापक सेयर छ भने ६२ हजार एक सय ३४ कित्ता साधारण सेयरको लागि बैंकले बोलपत्र आह्वान गरेको हो ।
बैंकको सेयर निष्काशन तथा विक्री प्रवन्धक प्रभू क्यापिटल रहेको छ । ईच्छुक लगानीकर्ताले न्युनतम एक सय रुपैयाँमाथि अंकित मूल्य राखेर दश कित्ताको गुणांकमा प्रभू क्यापिटलमा आवेदन गर्नुपर्नेछ । आवेदकले न्युनतम एक सय कित्तादेखि अधिकतम कित्ताका लागि चैत २१ गतेसम्म आवेदन गर्न सक्नेछन् । कम्पनीले बोलकबोल नतिजा विक्री प्रवन्धकको कार्यालय कमलादीमा चैत २४ गते ११ बजे खोल्ने जनाएको छ ।
अहिले हिमालयन बैंक, जनता बैंक लगायतका कम्पनीहरुले पनि हकप्रदमा नबिकेका सेयरको लिलाम आब्हान गरेका छन् ।