धितोपत्र बोर्डले सिडिएससी, मर्चेन्ट बैंकर एशोसियसनका प्रतिनिधी लगायतसंग छलफल गरी आस्वा प्रणालीलाई अझै व्यवस्थित एवं प्रभावकारी बनाउन पूर्ण अनलाइनमा प्रणालीमा लैजाने प्रक्रिया अगाडि बढाउन निर्देशन समेत दिएको छ ।
बोर्डले आयोजना गरेको छलफलमा आश्वा शुल्कलाई परिमार्जन गर्ने, दरखास्त फारमलाई अझ सरलिकृत गर्न तथा आस्वा सदस्य बैंकबाट मर्चेन्ट बैंकलाई दरखास्त फारम भौतिक रुपमा नपठाई तथ्याङ्कहरु मात्र उपलब्ध गराउने व्यवस्था मिलाउन उपयुक्त हुने लगायतका सुझाबहरु दिइएको थियो ।
धितोपत्रको सार्वजनिक निष्काशन हुदाँका बखत लगानीकर्ताबाट दरखास्त फारम संकलन तथा तत् सम्बन्धी कार्य गर्न धितोपत्र खरिद सार्वजनिक निष्काशन सम्बन्धी निर्देशिका, २०७३ को व्यवस्था बमोजिम आस्वा प्रणाली गत माघदेखि लागू गरिएको थियो ।
हालसम्म उक्त प्रणालीबाट फरवार्ड कम्युनिटी माइक्रोफाइनान्स, यूनाईटेड मोदी र स्ट्याण्डर्ड चार्टर्ड बैंक गरी तीन वटा कम्पनीहरुको सार्वजनिक निष्काशन भईसकेको छ । आस्वा प्रणालीमा औसतमा संकलित रकमको आधारमा ५० प्रतिशत तथा संकलित आवेदन फारमको आधारमा ४५ प्रतिशत भन्दा बढी संकलन भएको बोर्डको भनाई छ ।
साथै आस्वा प्रणालीलाई अझ प्रभावकारी बनाउन बोर्डबाट आस्वा सदस्यता प्राप्त विभिन्न संस्थाको स्थलगत निरीक्षण गरिएको र उक्त निरीक्षणका क्रममा बैंक तथा वित्तिय संस्थाहरुले आफ्ना कर्मचारीहरुलाई आवेदन फाराम संकलन प्रकृया सम्बन्धमा थप अभिमुखीकरण गर्न, आवेदन फाराम संकलनको रिपोर्टिड समयमै गर्न तथा प्रणालीगत सुक्ष्म निरीक्षण गरी सञ्चालन जोखिम सम्बन्धमा सजग गराईएकोे र केही बैंकहरुले अनलाईनबाट समेत शेयर फारम भर्न मिल्ने व्यवस्था गराएकोमा सो सम्बन्धमा समेत निरीक्षण गरिएको बोर्डले जनाएको छ ।