आधिखोला जलविद्युत केन्द र झिमरुक जलविद्युत केन्द्र आसपासका स्थानीयलाई पाँच प्रतिशत सेयर छुट्याएको कम्पनीले बिक्री प्रबन्धकको जिम्मा एनएमबी क्यापिटल तथा लक्ष्मी क्यापिटललाई दिई सकेको छ ।
कम्पनीले गरेको प्रस्ताव अनुसार प्रतिकित्ता थप नयाँ सेयरको मूल्य चार सय ७० रुपैंया तोकिने भएको हो । एक सय रुपैंया अंकित मूल्यमा तीन सय ७० रुपैंया प्रिमियम थप गरी कम्पनीले उक्त मूल्यमा सेयर निष्काशन गर्ने निर्णय गरेको हो । कम्पनीले प्रस्तावित मूल्य प्रक्षेपित मात्र भएको भन्दै २० प्रतिशतले मूल्य विचलन भएमा सो को कारण समेत सार्वजनिक गर्ने बताएको छ ।
एफपिओबाट संकलित रकम कम्पनीले निमार्ण सुरु गरेका आयोजनामा लगानी गरिने बताइएको छ । शनिबार मात्र कम्पनीले दुई वटा आयोजना निर्माणको सुरुवात गरेको उद्घोष गरेको थियो । जसमा ३० मेगवाटको न्यादी जलविद्युत आयोजना र ३७ दशमलव छ मेगावाटको काबेली ए जलविद्युत आयोजना रहेका छन् ।
विदेशी साझोदार तथा स्वदेशी साझेदारसँगको सहकार्यमा बीपीसीले उक्त परियोजना निर्माण सुरु गरेको हो । यसका साथै बीपीसी एक सय मेगावाटको मनाङमस्र्याङ्दी आयोजनाको अनुमति लिने क्रममा रहेको छ भने ८५ मेगावाटको चिनीखोला साना जलविद्युत आयोजना सम्भाब्यता अध्ययन पुरा गरिसकेको छ ।