ज्योति विकास बैंकले राप्ती भेरी विकास बैंकलाई आफुमा विलय गर्ने सम्झौतामा मंगलबार हस्ताक्षर भएको छ । सम्झौता अनुसार राप्तीभेरीको प्रस्तावित हकप्रद खारेज गर्दै ज्योतीमा विलय भए पश्चात ज्योतीले अहिले प्रस्ताव गरेको हकप्रद परिमार्जन गर्दै निष्काशन गर्ने भएको छ । सम्झौतामा दुवै बैंकको सेयर स्वाप एक बराबर एक हुने बताइएको छ ।
डिडिए पश्चात उक्त अनुपातमा केही हेरफेर हुन सक्ने पनि सम्झौतामा उल्लेख छ । यसबाट राप्तीभेरीमा अहिले लगानी गरेका लगानीकर्तालाई राम्रो हुने देखिए पनि कारोबारीहरु भने विलय प्रकृयाको अन्त्यसम्म सेयर बेच्न नपाउने गरी फसेका छन् । पछिल्ला दिनमा यस्तै किसिमका कारोबारमा समेत चाप देखिँदै गर्दा क्षमता अनुसारको कम्पनीमा चलाख भएर लगानी गर्नु पर्ने पाठ पनि राप्ती भेरीले छोडेको छ ।
दाङ,बाँके र बर्दिया जिल्लामा कार्यक्षेत्र भएको राप्ती भेरीलाई ज्वोति आफुमा विलय गरे पछि ज्योतीको चुक्ता पूँजी दुई अर्ब ३७ करोड रुपैंया पुग्नेछ ।