लघुवित्त कम्पनीले निष्काशन गर्न लागेको तीन लाख कित्ता साधारण सेयरमध्ये १२ हजार कित्ता कर्मचारी तथा १५ हजार कित्ता सेयर सामुहिक लगानी कोषहरुको लागि सुरक्षित गरिएको छ । लघुवित्तले बाँकी रहेको दुई लाख ७३ हजार कित्ता सेयर सर्वसाधारणहरुलाई २५ गतेबाट सेयरमा आवेदन संकलन गर्न लागेको हो ।
कम्पनीको सेयर निष्कासन तथा बिक्री प्रबन्धकमा एनएमबि क्यापिटल रहेको छ । कम्पनीको आईपीओमा आस्वा सदस्यको अनुमति लिएका बैंक तथा वित्तिय संस्थाका कार्यालयहरु, एनएमबि क्यापिटल, एनएमबि बैंकका शाखा कार्यालयहरु, र संस्थाको केन्द्रिय कार्यालय ईटहरीबाट साधारण सेयरमा चैत २९ गतेसम्म आवेदन गर्न सकिनेछ ।
हाल कम्पनीको ७ करोड रुपैयाँ चुक्तापूँजी रहेको छ । साधरण सेयर जारी गरेपछि कम्पनीको पूँजी दश करोड रुपैयाँ पुग्नेछ । कम्पनीको जगेडा कोषमा १ करोड ८१ लाख रहेको छ । कम्पनीले चालु आर्थिक बर्षको दोस्रो त्रैमाससम्मा एक करोड ३५ लाख रुपैयाँ खुद नाफा कमाएको छ । संस्थाले यसअवधिमा २१ करोड ३३ लाख रुपैँया निक्षेप संकलन तथा एक अर्ब पाँच करोड २१ लाख रुपैँया कर्जा परिचालन गरेको छ ।
इटहरीमा केन्द्रिय कार्यलय रहेको लघुवित्तले विभिन्न ३९ जिल्लामा ५० शाखा सञ्जाल मार्फत लघुवित्त सेवा प्रदान गर्दे आएको छ ।
