बैंकले एक अर्ब ५४ करोड ३१ लाख रुपैयाँ बराबरको एक करोड ५४ लाख ३१ हजार ८४० कित्ता हकप्रद सेयर जारी गर्नेछ । यसका लागि बैंकले सिभिल क्यापिटलाई बिक्री प्रबन्धक नियुक्त गरिसकेको छ ।
हाल नेपाल बैंकको चुक्तापूँजी ६ अर्ब ४९ करोड रुपैयाँ छ । हकप्रद पश्चात बैंकको पूँजी आठ अर्ब ८ अर्ब चार करोडको हाराहारीमा पुग्नेछ ।
बैंकले दोस्रो त्रैमाससम्ममा एक अर्ब ८९ करोड खुद नाफा कमाएको छ ।
बैंकको जगेडा कोषमा दुई अर्ब २४ करोड छ भने निक्षेप संकलन र कर्जा बिस्तार गर्दै लगेको छ । बैंकको प्रति सेयर नेटवर्थ १३५ रुपैयाँ, प्रति सेयर आम्दानी ५८ रुपैयाँ, मूल्य आम्दानी अनुपात ७ गुणा मात्र र निस्क्रिय कर्जा २.८५ प्रतिशत मात्र रहेको छ । यसले बैंकको अबस्था सुदृढ हुँदै गएको देखाउँछ ।
बिगतमा खराब कर्जाले थलिएर बिघटनको डिलमा पुगेर फर्किएको नेपालको पहिलो बैंक नेपाल बैंकले हकप्रद जारी गरी आठ अर्ब चुक्ता पूँजी पुर्याएपछि झन् बलियो हुने छ । हकप्रदकै कुराले मात्र मूल्य उचालिनु धेरै फाइदाजनक नहुनसक्छ । बैंकले यस आर्थिक बर्षको कमाईबाट केही लाभांश समेत बाड्ने अबस्थामा आफुलाई उभ्यायो भने लगानीकर्ताहरुले बर्षौपछि आफ्नो दिन फिरेको अनुभुति गर्ने नै छन् ।
