सानिमा बैंक(SANIMA)को ३० प्रतिशत हकप्रद, लक्ष्मी बैंक(LBL)को शतप्रतिशत हकप्रद, कृषि विकास बैंक(ADBL)को २० प्रतिशत बोनस र सेञ्चुरी(CCBL)को दश प्रतिशत बोनसका लागि शुक्रबार सेयरधनी दर्ता पुस्तिका बन्द हुने सूचनाले विहीबार यी कम्पनीहरुको उच्च कारोबार भएको थियो ।
समायोजित सेयर मूल्य कति हुन्छ भनी प्रतीक्षा गरेर बसेका लगानीकर्ताहरु नेपाल स्टक एक्सचेन्जको वेभसाईटमा आईतबार दिउँसो साढे १२ बजेसम्म पनि कुनै जानकारी नपाउँदा अन्योलमा परे । सेयर मूल्य समायोजन नभएका कारण ती कम्पनीको सेयर कारोबार समेत हुन सकेको छैन ।
यस बारेमा नेप्से र सम्बन्धित कम्पनीहरुले केही बताएका छैनन् ।