दिउँसो १ बजे नेप्से परिसूचक समग्र रुपमा चार प्रतिशतले बढेपछि पहिलो सर्किट लागेको हो । नेप्सेमा ६३.५७ अंकको बृद्धि हुँदा सूचक १६५१.२१ पुगेको छ भने ८० करोड ५४ लाख रुपैयाँ बराबरको कारोबार भएको छ ।
प्राय सबै बीमा कम्पनीहरुको सेयर मूल्य १० प्रतिशतले बढ्दा पनि बिक्रीकर्ताको चरम अभाव देखिएको छ । बीमा कम्पनीको सूचक झण्डै ७०० अंकले बढेपछि नेप्सेमा सर्किट लागेको हो । यसमा बाणिज्य बैंक, होटल र बिकास बैंकहरुको सूचक पनि उल्लेखनीय रुपमा बढेर सर्किट लाग्ने अबस्था आएको हो । बीमाका साथै तेस्रो त्रैमासमा गर्ने प्रगति आँकलनको कारणले बाणिज्य बैंकतर्फ पनि लगानीकर्ताहरुको आकर्षण देखिएको छ ।
कारोबार बन्द भएको ३० मिनेट पछि खुल्ने बजार फेरि थप एक प्रतिशतले बढेमा आजका लागि पुरै कारोबार बन्द हुनेछ ।
