यसै बर्ष मात्र सर्वसधारण सेयर जारी गरेर सेयर कारोबारमा आएको बैंकले सेयरधनीलाई कुनैपनि लाभांश नबाडि हकप्रद बिक्री गर्न लागेको हो । हकप्रद पश्चात बैंकको चुक्ता पूँजी ५० करोड रुपैयाँ पुग्नेछ ।
बैंकले गत जेठमा ४ लाख ५० हजार कित्ता साधारण शेयर जारी गरेर चुक्तापूँजी १० करोड रुपैंया पुर्याएको थियो । तीन जिल्ले बैंकले ०७४ आषाढ सम्म ५० करोड चु क्तापूँजी प्ुर्याउनु पर्नेछ ।
तीन जिल्ले बैंकले बागलुङ, म्याग्दी र कास्की जिल्लामा कार्यक्षेत्र बिस्तार गरी वित्तीय सेवा दिंदै आएको छ । बैङकको अधिकृत पूँजी ५० करोड, जारी पूँजी १० करोड र चुक्तापूँजी दश करोड रुपैयाँ रहेको छ । बैंकमा ५५ प्रतिशत संस्थापक तथा ४५ प्रतिशत सर्वसाधारणको लगानी छ ।
मंगलबार नेप्सेमा बैंकको सेयर प्रतिकित्ता ४६६ रुपैयाँमा कारोबार भएको थियो ।
