एनआईसी एशिया बैंकले उपलब्ध गराएको हकप्रद सेयर जाच्ने उपकरणमा जान यहाँ क्लिक गर्नु होस् । तपाई एनआईसी एशिया बैंकको वेबसाइटमा पुगे पछि मागिएको स्थानमा डिम्याट खाता नम्बर राखेर आफुले भर्नु पर्ने सेयरको विबरण थाहा पाउनु होस् ।
बैंकले हाल कायम चुक्ता पूँजीको १५ प्रतिशतको दरले हुन आउने ८७ करोड २९ लाख ४७ हजार पाँच सय रुपैयाँ बराबरको ८७ लाख २९ हजार ४७५ कित्ता सेयर प्रतिकित्ता एक सय रुपैयाँ दरले बिक्री खुला गरेको हो ।
एनआइसीको सेयर निष्काशन तथा बिक्री प्रबन्धक सिभिल क्यापिटल मार्केट रहेको छ । हकप्रद सेयरमा बिक्री प्रबन्धक सिभिल क्यापिटल मार्केटको कार्यालय सिटिसी मलको छैटौं तल्ला सुन्धारा तथा एनआइसी एशिया बैंकका सबै शाखाहरुबाट आवेदन गर्न सकिन्छ । चैत १६ गते खुला भएको बैंकको हकप्रद वैशाख १९ गते बन्द हुनेछ ।
राष्ट्र बैंकले तोेकेको आठ अर्ब रुपैयाँ चुक्ता पूँजी पुर्याउन एनआइसी एसियाले १५ प्रतिशत हकप्रद सेयर जारी गरेको हो । हाल बैंकको चुक्ता पुँजी पाँच अर्ब ८१ करोड ९६ लाख रुपैयाँ रहेको छ । हकप्रद सेयर निष्कासनपछि बैंकको चुक्ता पूँजी छ अर्ब ६९ करोड २५ लाख रुपैयाँ पुग्नेछ ।
चालु आर्थिक बर्षको अर्धबार्षिक अवधिमा बैंकले ७२ करोड १४ लाख रुपैयाँ खुद नाफा कमाएर प्रतिसेयर आम्दानी २४ रुपैयाँ ८० पैसा कायम गरेको छ । धितोपत्र बजारमा बैंकको सेयर मंगलबार प्रतिकित्ता ४८५ रुपैँयामा कारोबार भएको थियो ।