समझदारी पत्रमा देवः विकास बैक लि.को तर्फबाट र्संचालक समितिका अध्यक्ष प्रा.डा. सुवर्ण लाल बज्राचार्य र साझा विकास बैंक लि.को तर्फबाट संचालक समितिका अध्यक्ष फकिर सिंह कडायतले हस्ताक्षर गरेका हुन् ।
आगामी आषाढ मसान्तसम्म तोकिए चुक्ता पूँजी पु¥याउन बैंकले एक्विजिशन सम्झौता गरेको हो । दोस्रो त्रैमासिक प्रतिवेदन अनुसार हाल देव विकास बैंकको एक अर्ब ४४ लाख रुपैयाँ चुक्तापूँजी रहेको छ ।
साथै बैंकले गतबर्षको मुनाफबाट १४ प्रतिशत बोनस र ४४ करोडको हकप्रद बेचेर पूँजी एक अर्ब ४५ करोड पुर्याएको छ । दुई कम्पनी एक्वायर पश्चात कम्पनीको पूँजी एक अर्ब ७२ करोड पुग्नेछ ।
साझा विकास बैंकको चुक्ता पूँजी १० करोड तथा युनियन फाइनान्सको १७ करोड ६५ लाख रुपैयाँ रहेको छ ।
साथै बैंकले थप चुक्ता पूँजीको लागि अन्य संस्थाहरु प्राप्त/मर्जर गर्ने योजना सहितको कार्यलाई निरन्तरता प्रदान गर्ने योजनामा छ ।
उक्त संस्था प्राप्ति पछि नेपालको सुदुर पश्चिम क्षेत्रमा बैंकका शाखा सञ्जालहरु विस्तार भई नेपालभर ४६ वटा शाखा सञ्जाल रहने छ भने कुल निक्षेप ११ अर्व र कर्जा लगानी ९ अर्ब ४५ करोड पुग्ने बैंकले जनाएको छ ।
एक्विजिशन पश्चात संस्थाको नाम देवः विकास बैक लि. नै रहने तथा संचालक समितिको अध्यक्ष र प्रमुख कार्यकारी अधिकृत समेत देवः विकास बैंक लि. कै रहने समझदारी भएको छ ।