सो अवसरमा जीवन बीमा क्षेत्रले आम जनताको स–सानो बचत परिचालन गरि पूँजी निर्माणमा महत्वपुर्ण भूमिका निर्वाह गर्दै आएको बताउँदै अध्यक्ष चापाँगाईले बिकास ऋणपत्रको योजना अघि सारेका हुन् ।
उनले जीवन बीमाका क्षेत्रमा बीमा कम्पनीले गर्दै आएको सफलताको सह्राहना गर्दे समग्र बीमा क्षेत्रको बिकास र बिस्तारका लागि आफू क्रियाशिल रहने बताए ।
त्यस्तै नेपाल लाइफका इन्स्योरेन्सका प्रमुख कार्यकारी अधिकृत विवेक झाले क्षेत्रीय कार्यालय पोखराको स्थापनाबाट यस क्षेत्रको व्यवसायिक विकासमा महत्वपूर्ण योगदान पुग्ने बिश्वास व्यक्त गरे ।
बीमितहरुको लगानी प्रतिफल बृद्धि गर्न कम्पनीले हरसम्भव प्रयास गर्दै आएको र सो को सुनिश्चितताको लागि दीर्धकालिन लगानीका क्षेत्रहरुमा लगानी बिस्तार गर्ने प्रयास गरिरहेको झाले जानकारी दिए । साथै उनले बीमा क्षेत्रका लागि दीर्धकालिन सरकारी बिकास ऋणपत्रहरुको आवश्यकता रहेको औल्याए।
कम्पनीले जीवन बीमा व्यवसायको बजार बिस्तार गर्ने उदेश्यले पोखरामा क्षेत्रीय कार्यालय संचालनमा ल्याएको हो ।
केही समय अघि मात्र झण्डै ३१ लाख कित्ता थप नयाँ सेयर (एफपीओ) निष्काशन गरेको कम्पनीको चुक्ता पूँजी दुई अर्ब ४७ करोड ७१ लाख रुपैंया छ । एफपीओले समेत पाउने गरी २५ प्रतिशत बोनस बाड्ने प्रस्ताव पारित गरेको कम्पनीको चुक्ता पूँजी तीन अर्ब नौ करोड ६४ लाख रुपैंया पुगेको छ ।
चालु आर्थिक बर्षको दोस्रो त्रैमास अर्थात पुस मसान्तसम्ममा इन्स्योरेन्सले १५ करोड ३० लाख रुपैयाँ खुँद नाफा गरेर प्रतिसेयर आम्दानी १४ रुपैयाँ १३ पैसा कायम गरेको थियो ।