नेपाल राष्ट्र बैंकले तोकेको चुक्तापूँजी पुर्याउने क्रममा बैंकले ७० प्रतिशत हकप्रद निष्कासन गर्न लागेको हो । बैंकले बैशाख १४ गतेदेखि हकप्रद सेयरको बिक्री खुला गर्ने जानकारी यसअघि नै गराई सकेको छ ।
बैंकले एक सय रुपैँया अंकित मूल्यको ९० लाख ७६ हजार दुई सय ९६ कित्ता सेयर निष्काशन गर्न लागेको हो । बैंकको गत फागुन ६ गते सम्पन्न दशौ साधारणसभाले २० प्रतिशत बोनसपछि ७० प्रतिशत हकप्रद निष्काशनको प्रस्ताव पारित गरेको थियो ।
शुभेच्छा विकास बैंकलाई गाभेको गरिमाको एक अर्ब आठ करोड रुपैँया चुक्ता पूँजी रहेको छ । ७० प्रतिशत हकप्रद निष्काशन पश्चात बैंकको पूँजी दुई अर्ब २० करोड रुपैँया हाराहारीमा पुग्नेछ ।
बैंकले चालु आर्थिक वर्षको दोस्रो त्रैमासमा १५ करोड ९५ लाख ४७ हजार रुपैंया खुद नाफा कमाएर प्रतिशेयर आम्दानी २९ रुपैंया ५३ पैसा कायम गरेको छ ।
