एनसीसीले चार वटा ठूला बिकास बैंकलाई आफुमा गाभे पनि केही बिकास बैंकहरुको कर्जा असुलीमा समस्या देखिएपछि बोनस भने घोषणा गर्न सकेन । पछि आउने नियमित साधारणसभामा बोनस दिएर बाँकी पूँजी पुर्याउने गरी यो बर्ष ५० प्रतिशत हकप्रद जारी गर्ने निर्णयमा बैंक पुगेको हो । एनसीसीले आफुमा गाभिएको एपेक्स लगायतका बिकास बैंकहरुको कर्जा असुली गर्न हालै एक अर्ब भन्दा बढीको धितो लिलामीमा निकालेको छ ।
एनसीसीको हाल चुक्ता पूँजी चार अर्ब ६७ करोड रहेकोमा ५० प्रतिशत हकप्रदपछि सात अर्ब नाघ्नेछ । बाँकी एक अर्ब चालु आर्थिक बर्षको खुद नाफा र बिकास बैंकहरुको स्वापबाट बचेको जगेडा कोषमा रहेको रकमबाट बोनस दिएर चुक्ता पूँजी आठ अर्ब पुर्याउने लक्ष्य लिएको देखिन्छ ।
चार वटा बिकास बैंकलाई आफुमा गाभ्दा समस्यामा परेको र अब अरुलाई गाभ्न संभव नभएपछि एक अर्बको बोनस बाड्नैपर्ने बाध्यता उसलाई छ ।
एनसीसीले चालु आर्थिक बर्षको दोस्रो त्रैमाससम्ममा जम्मा सात करोड खुद नाफा गरेको भए पनि तेस्रो त्रैमासमा ब्यापक सुधार गरेको कुरा बित्तीय बिबरणमा उल्लेख गर्ने आशा गरिएको छ ।
६५ करोड रुपैयाँ निस्क्रिय कर्जा वापत प्रोभिजन गरेको बैंकको जगेडा कोषमा दुई अर्ब ३० करोड रुपैयाँ रहेको छ भने निस्क्रिय कर्जा अनुपात ४.८४ रहेकाले उसले आफुलाई तीब्र रुपमा सुधार्नै पर्ने बाध्यता छ ।
