फाईनान्सका प्रमुख कार्यकारी संतोष निरौलाले मेरोलगानी डटकमलाई बताउनु भए अनुसार कम्पनीले यस बर्षको तेस्रो त्रैमाससम्म सात करोड १० लाख संचालन मुनाफा आर्जन गरेको छ । यो रकम गत बर्षको सोही अवधिको तुलनामा ४४ प्रतिशतले बढी हो । त्यस्तै कम्पनीले निक्षेप संकलन पनि गत बर्षको भन्दा ६० प्रतिशत बढी अर्थात तीन अर्ब २६ करोड पुर्याएको छ, यो गत बर्षको सोही अवधिमा दुई अर्ब चार करोड मात्र थियो । दोस्रो त्रैमासको तुलनामा कम्पनीले आठ करोड बढी निक्षेप संकलन गरेको छ । त्यस्तै कर्जा प्रबाह तर्फ कम्पनीले झण्डै ७८ प्रतिशत प्रगति गरेको छ । गत आर्थिक बर्षको तेस्रो त्रैमाससम्ममा एक अर्ब ८७ करोड मात्र कर्जा प्रबाह गरेकोमा यस बर्षको सोही अवधिमा तीन अर्ब ३२ करोड पुर्याएको छ । दोस्रो त्रैमाससम्म दुई अर्ब ९७ करोड कर्जा प्रबाह गरेकोमा तेस्रो त्रैमाससम्ममा त्यसलाई ३५ करोडले बढाएको छ ।
कम्पनीको निस्क्रिय कर्जा अनुपात गत आर्थिक बर्षको तेस्रो त्रैमाससम्ममा झण्डै पाँच प्रतिशतको हाराहारीमा पुगेकोमा अहिले ब्यापक सुधार गरी तीन प्रतिशत हाराहारीमा ल्याउन सफल भएको छ ।
कम्पनीले हाल हकप्रदमा नबिकेको नौ लाख ३५ हजार संस्थापक र ६९ हजार साधारण सेयर लिलाममार्फत बिक्री गरिरहेकाले त्यसबाट आउने अंकित मूल्य भन्दा बढी रकम समेत चालु बर्षको बोनस सेयर बितरणमा खर्च गर्न पाउनेछ । हकप्रद सेयरमा लिलाम सकार्ने अवधि यही चैत्र पाँच गतेसम्म रहेको कम्पनीले जनाएको छ । कम्पनीको चुक्ता पूँजी ८० करोड पुर्याउन यस बर्षको खुद नाफाबाट १० प्रतिशत बोनस दिनैपर्ने बाध्यता रहेकाले त्यो भन्दा बढी क्षमता राख्ने गरी प्रगति गर्नु कम्पनीलाई अनिबार्य बन्न गएको छ ।
राम्रो बाणिज्य बैंक पाए मर्ज र एक्विजिशनमा पनि जाने रणनीति बनाएर अघि बढेको फाईनान्सले खराब कर्जाहरुको असुलीलाई कडाईका साथ अगाडि बढाएको बुझिएको छ ।
सम्बन्धित समाचारहरु
बेचिने र मर्ज भए बाणिज्य बैंकसँग हो - सन्तोष निरौला, प्रमुख कार्यकारी, मन्जुश्री फाईनान्स
मन्जुश्री फाईनान्स सेयर लिलामी खुल्यो
मन्जुश्रीको साढे १० लाख कित्ता सेयर लिलामको सूचना