ज्योतिले एक बराबर एकको अनुपातमा हाल कायम चुक्ता पूँजी बराबरको हकप्रद निष्काशनको अनुमति मागेको हो । ज्योतिले एक करोड १० लाख ४३ हजार एक सय ७१ कित्ता सेयर निष्काशनको अनुमति पाएको छ ।
अहिले ज्योतिको चुक्ता पूँजी एक अर्ब १० करोड ४३ लाख १७ हजार रुपैंया छ । प्रस्तावित हकप्रद निष्काशन पश्चात बैंकको चुक्ता पूँजी दुई अर्ब २० करोड ८७ लाख रुपैंयाको हाराहारीमा पुग्नेछ ।
हालसालै राप्ती भेरी विकास बैंकलाई खरिद गर्ने सम्झौता गरेको बैंकले उक्त बैंकल खरिद गरेपश्चात पश्चात चुक्ता पूँजी दुई अर्ब ३७ करोड हाराहारीमा पुग्ने बैंकले जनाएको छ ।
सहयोगि विकास बैंकले पनि हाल कायम चुक्ता पूँजीको ३५ प्रतिशत हकप्रदको निष्कासनको अनुमति पाएको छ । जनकपुरमा मुख्य कार्यालय रहेको तीन जिल्ले सहयोगी विकास बैंकले १० कित्ता बराबर तिन दशमलव पाँच कित्ताका दरले ११ लाख एक हजार एक सय ३५ कित्ता हकप्रद जारी गर्ने अनुमति पाएको हो ।
बैंकको चुक्ता पूँजी ३१ करोड ४६ लाख रुपैँया रहेको छ । हकप्रद निष्काशन पश्चात बैंकको चुक्ता पूँजी ४२ करोड ४७ लाख रुपैँया पुग्नेछ । बैंकलाई राष्ट्र बैंकले तोकेको पूँजी पुर्याउन अब सात करोड ५३ लाख रुपैँया कम हुनेछ । यसलाई बैंकले बोनस वा मर्जरबाट पुरा गर्नेछ ।
