(रकमलाई करोडमा देखाईएको छ । यसअघिको समाचारमा गत बर्ष तेस्रो त्रैमासको चुक्ता पूँजी ३६९ करोड हुनुपर्नेमा अन्यथा भएकाले सच्याईएको छ । )
एनआईसी एशिया बैंकले चुक्ता पूँजी निकै बढाएर निक्षेप संकलन र कर्जा बिस्तारलाई पनि उत्तिकै प्राथमिकतामा राखेको पाईएको छ । खुद नाफामा मारेको छलाड.सँगै निस्क्रिय कर्जा घटाउन सक्नु र प्रतिसेयर आम्दानीलाई सन्तुलनमा राख्नसक्नु उसको सफलता हो । बैंकले आकर्षक प्रगति गरेको बिबरण पस्किएर यसअघि ब्याज दर परिवर्तन र कर्जा असुलीमा कडाई गर्दा आँत्तिएका लगानीकर्ता र ऋणीबाट खेपेको आलोचनालाई बिर्साउन खोजेको देखिन्छ । समग्रमा बैंकको प्रगति धेरै उत्साहप्रद छ ।
बैंकको ईक्विटीमा प्रतिफल १८.०७ प्रतिशत हुनु र मूल्य आम्दानी अनुपात साढे १८ गुणा मात्र हुनुले उसको सेयरमा मूल्य नउचालिएको अबस्थामा लगानी गर्नु सुरक्षित नै देखिन्छ ।
बैकले तेस्रो त्रैमासमा स्पेड दर ३.५३ प्रतिशत र सीडी रेसियो ७८ प्रतिशत कायम गरेको छ । बैशाख महिनामा बचतको ब्याज दर बढाएर आठ प्रतिशतसम्म पुर्याएको बैंकको कोषको लागत चालु त्रैमासमा भने केही बढ्ने संभावना छ ।