उसको खुद नाफा गत बर्षको तेस्रो त्रैमासमा सात करोड रहेकोमा यस बर्ष नौ करोडले बढाएको छ ।
८० करोड रुपैंया चुक्ता पूँजी रहेको फाइनान्सले मुलुकभर शाखा बिस्तार गर्ने लक्ष्यका साथ चितवनमा एकै पटक दुई शाखा बिस्तार गरेको छ । फाइनान्सले बुधबार चितवनको जयमंगला तथा खुरखुरेमा १३ औं तथा १४ औं शाखा सञ्चालनमा ल्याएको हो ।
केही दिन अघि मात्र स्याङ्जाको गल्याङ्मामा १२ औं शाखा बिस्तार गरेको थियो । । यो सँगै फाइनान्सको शाखा सञ्जाल १४ पुगेको छ । बुधबार फाइनान्सका प्रमुख कार्यकारी अधिकृत रामबाबु पन्तले नयाँ शाखाहरुको उद्घाटन गरेका हुन् ।
प्रमुख कार्यकारी अधिकृत पन्तले फाइनान्स सेवाग्राहीलाई उच्चस्तरको वित्तीय सेवा प्रदान गर्न प्रतिबद्ध रहेको 
बताए । उनले शहर केन्द्रित सेवा नभई अन्य स्थानमा सेवा बिस्तार गर्ने योजना अनुसार फाइनान्सले अरु शाखा पनि बिस्तार गर्दै लैजाने बताए ।
फाइनान्सले १४ वटा शाखा, एउटा एक्सटेन्सन काउण्टर तथा १० वटा ए.टी.एम. मार्फत आफ्ना ग्राहकलाई वित्तीय सेवा प्रदान गर्दै आएको छ ।
४१ हजार भन्दा बढी ग्राहकलाई सेवा दिंदै आएको फाइनान्सले ६ अर्व ४३ करोड रुपैंया निक्षेप संकलन गरी ५ अर्व ३८ करोड रुपैंया कर्जा प्रवाह गरेको छ ।
फाइनान्सले निकट भविष्यमै चितवन जिल्लाको ज्योतिनगरमा समेत शाखा सञ्चालन गर्ने जनाएको छ ।
