लघुवित्त क्षेत्रमा समेत प्रभावकारी रुपमा व्यवशाय गरिरहेको बैंकले समिक्षा अवधिमा २४ करोड ८२ लाख रुपैंयाको खुद नाफालाई बढाएर ३५ करोड ५१ लाख रुपैंया पुर्याएको छ । यस अवधिमा बैंकको चुक्ता पूँजी ८३ करोड ८४ लाख रुपैंयाबाट एक अर्ब ५४ करोड २७ लाख रुपैंया पुगेको छ ।
मुक्तिनाथले समिक्षा अवधिमा ४८ करोड १८ लाख रुपैँयाको व्याज आम्दानीलाई ५१।७० प्रतिशतले बढाएर ७३ करोड १० लाख पुर्याएको छ । बैंकको सञ्चालन आम्दानीमा समेत ४७ प्रतिशतले बढेको छ । यस क्रममा बैंकले चैतको अन्त्यसम्ममा १५ अर्ब १४ करोड ८३ लाख रुपैँया निक्षेप संकलन गरेर १४ अर्ब १७ करोड ४८ लाख रुपैँया कर्जा परिचालन गरेको छ ।
हकप्रद र बोनस बितरण गर्दै गर्दा पनि बैंकले आफ्नो जगेडा कोषको आकार ३९ करोड २८ लाख रुपैंयाबाट बढाएर ६३ करोड ४८ लाख रुपैँया पुर्याएको छ । यसबाट बैंकले अझै पनि लगानीकर्तालाई राम्रो प्रतिफल दिन सक्ने आधार बनाएको छ ।
कमाईमा निरन्तर भएको बढोत्तरीका कारण बैंकको प्रतिसेयर आम्दानी ३० रुपैंया ६९ पैसा कायम भएको छ । गत आर्थिक वर्षको यसै अवधिमा उसको प्रतिसेयर आम्दानी ३९ रुपैयाँ ४९ पैसा थियो । ८४ प्रतिशतले पूँजी बढ्दा प्रतिसेयर आम्दानीमा आएको सामान्य संकुचनले पूँजी वृद्धिसँगै बैंकको व्यवशाय बिस्तार अघि बढेको देखिन्छ । बैंकको यस्तो प्रगतिबाट लगानीकर्ताले अपेक्षा गर्ने आधारहरु पनि प्रशस्त देखिन्छ ।
बैंकको अर्को सबल पक्ष निष्कृय कर्जामा भारी सुधार हुनु पनि हो । गत आर्थिक वर्षको यसै अवधिमा शुन्य दशमलव ४१ प्रतिशतमा रहेको यस्तो कर्जा अनुपातलाई बैंकले यस पटक शुन्य दशमलव १० प्रतिशतमा सिमित गराएको छ । यसले गर्दा बैंकको कर्जा जोखिमको सम्भावना न्युन रहेको आँकलन गर्न सकिन्छ ।
बैंकको मूल्य आम्दानी अनुपात ३४।१४ गुणा बढी छ भने पूँजीकोष अनुपात १४।९७ प्रतिशत, प्रतिसेयर नेटवर्थ १४० रुपैँया ७४ पैसा छ । तरलता अनुपात २०।३९ प्रतिशत रहेको बैंक आफैं चुक्ता पूँजी दुई अर्ब ५० करोड रुपैंया पुर्याउन ४० प्रतिशत हकप्रद निष्काशनको प्रकृयामा छ । साधारण सभाबाट पारित भैसकेको प्रस्ताव धितोपत्र बोर्डमा स्वीकृतिका लागि जाँदैछ ।
