गत आर्थिक वर्षको यसै अवधिको तुलनामा बैंकले चुक्ता पूँजी ८० प्रतिशतले वृद्धि गरिसकेको छ । यसरी भारी मात्रामा पूँजी बढ्दा पनि प्रतिसेयर आम्दानीमा धेरै गिरावट नआउनुले बैंक व्यवशाय बिस्तारमा सफल भएको मान्न सकिन्छ ।
मितेरीले गत आर्थिक वर्षको यसै अवधिमा २१ करोड १२ लाख रुपैंया चुक्ता पूँजी हुँदा छ करोड ४७ लाख रुपैंया खुद नाफा गरेको थियो । अहिले बैंकको चुक्ता पूँजी ५० प्रतिशत हकप्रद तथा ३० प्रतिशत बोनस वितरण गरेर ३८ करोड २ लाख ९३ हजार रुपैंया पुगेको छ । चैत मसान्तसम्ममा बैंकले आठ करोड २७ लाख १८ हजार रुपैंया खुद नाफा कमाएको छ ।
समिक्षा अवधिमा १० करोड ७६ लाख रुपैंयाको जगेडाा कोषलाई पनि बढाएर बैंकले १७ करोड ५५ लाख रुपैंयाको बनाएको छ ।
निक्षेप संकलन तथा कर्जा प्रवाहमा आएको सुधारसँगै सञ्चालन मुनाफामा आएको सुधारले बैंकको खुद नाफा बढेको हो । समिक्षा अवधिमा बैंकको निष्कृय कर्जा अनुपात शुन्य दशमलव ३६ प्रतिशतबाट शुन्य दशमलव ३४ प्रतिशतमा झरेको छ । मूल्य आम्दानी अनुपात २१ दशमलव ७२ प्रतिशतले बढी रहेको बैंकको तरलता अनुपात ३० दशमलव ७० प्रतिशत तथा प्रतिसेयर नेटवर्थ एक सय ४६ रुपैंया १७ पैसा रहेको छ ।
