यस्तैमा मन्जुश्री फाईनान्स(MFIL)ले हकप्रदमा नबिकेको सेयर पहिलोपल्ट लिलाममा राख्दा पुरै नबिकेपछि फेरि लिलाममा निकालेको छ ।
मन्जुश्रीले पाँच लाख ३८ हजार सात सय ४४ कित्ता संस्थापक सेयर फेरि लिलाममा निकालेको हो । यो सेयरमा प्रति कित्ता एकसय रुपैयाँ वा सो भन्दा माथिको दरमा लिलाम सकार्न बैशाख १७ गतेसम्म आबेदन गर्न सकिने भएको छ ।
मन्जुश्रीले यसअघि सर्वसाधारण समूहतर्फका ६९ हजार १६ कित्ता साधारण सेयर र संस्थापकतर्फ नौ लाख ३५ हजार ७४ कित्ता सेयर लिलाममा राखेकोमा अरु बिक्री भए पनि पाँच लाख ३८ हजार कित्ता संस्थापक बिक्न नसकेको हो ।
मन्जुश्रीको सेयर लिलाम सकार्न एस क्यापिटलबाट आबेदन पत्र लिएर रकम बुझाई सहभागी हुन सकिने फाईनान्सले जनाएको छ । आउने साधारणसभामा कम्तिमा १० प्रतिशत लाभांश दिने कम्पनीको सेयर एक सय रुपैयाँमै खरिद गर्न पाउनुलाई लगानीकर्ताले अबसरकै रुपमा लिनुपर्छ । संस्थापक सेयर लिलाम सकार्न केही प्रक्रियाहरु भने पुरा गर्नुपर्ने बाध्यता छ ।
पहिले पनि सेवा बिकास बैंक र जनता बैंकले संस्थापक सेयर एकैपटक लिलाममा नबिकेपछि दोस्रो पटक सूचना निकालेका थिए ।
