एनएमबीले प्रकाशित गरेको चालु आर्थिक बर्षको तेस्रो त्रैमासिक बित्तीय बिबरणमा उसको प्रगतिको झलक देख्न सकिन्छ ।
खुद नाफा मेरो लगानीले पूर्व आँकलन गरे भन्दा नौ करोडले बढी हो ।
उसले अघिल्ला त्रैमासहरुमा धेरै पूँजी बढाएर पनि प्रतिसेयर आम्दानी गत बर्षको तेस्रो त्रैमास भन्दा बढाउन सक्नु सफलताको अर्को संकेत हो ।
उसको ईक्विटीमा प्रतिफल १७.४१ प्रतिशत, प्रति सेयर नेटवर्थ १६१ रुपैयाँ र पूँजी कोष अनुपात अघिल्लो बर्ष भन्दा बढेर १३.६३ हुनु धेरै राम्रा पक्षहरु हुन ।
एनएमबीको जगेडा कोष बढेदै जानु र त्यसमा बिभिन्न बिकास बैंकहरुलाई मर्ज गर्दा स्वापबाट बचेको रकम र बिदेशी साझेदार एमएमओलाई संस्थापक सेयर बेच्दा आर्जन भएको प्रिमियम ठूलो मात्रामा संचित रहनुले बैंकले आउने बर्ष पनि राम्रै प्रतिफल दिन्छ भन्ने गतिलो आधार हो ।