ब्रोकर नं ४१ लिन्च स्टक मार्केट लिमिटेडको बुटवल मिलनचोकमा खोलिएको शाखाको सुरुवात कम्पनीका अध्यक्ष नेत्र प्रसाद खतिवडाले गरेका छन ।
कम्पनीका प्रबन्ध निर्देशक सरिता अधिकारीले यस शाखाबाट सेयर कारोबारको साथै निक्षेप सदस्यको समेत सेवा उपलब्ध गराइएको जानकारी दिइन । अधिकारीका अनुसार लिन्चले सोमबार बुटवल शाखाबाट झण्डै एक करोड बराबरको कारोबार गरेको बताइन ।
त्यस्तै ब्रोकर नं ५९ दिब्या सेक्युरिटीको वाग्लुङ शाखाको नेपाल उद्योग वाणिज्य महासंघका कार्यकारिणी सदस्य निर्माणकुमार श्रेष्ठले उद्घाटन गरे। उनले मोफसलमा खुलका ब्रोकर शाखाले पूँजी बजार विकासमा सघाउ पुग्ने बताए।
त्यस्तै कम्पनीका प्रवन्ध निर्देशक रामप्रसाद आचार्यले जिल्लामा रहेको पुँजीलाई एकिकृत गरी पुजी निर्माणमा सहयोग पुर्याउन शाखा खोलेको बताए।
आइतबार मात्रै सनी सेक्युरिटीजले चितवनको नारायणगढबाट सेयर कारोबार थालेको थियो । नेप्सेले १८ शहरमा ४१ ब्रोकरलाई शाखा खोल्ने अनुमति दिएको छ ।
