एसबिआई बैंकले एक सय रुपैंया अंकित मूल्यमा एक अर्ब ९९ करोड १९ लाख ४२ हजार ३६० रुपैँयाको हकप्रद जारी गर्न अनुमति प्राप्त गरेको हो । बैंकले बोर्डमा हकप्रदको अनुमतिका लागि गत चैत ७ गते निवेदन दिएको थियो ।
बैंकको हकप्रद निष्काशनको जिम्मा एनएमबि क्यापिटलले यस अघि र्नै पाइ सकेको छ । सम्झौता अनुसार क्यापिटलले बैंकको एक करोड ९९ लाख १९ हजार ४२३।६० कित्ता हकप्रद सेयर निष्काशन गर्नेछ । हाल बैकको चुक्तापूँजी चार अर्ब ९७ करोड रुपैयाँ छ । ४० प्रतिशत हकप्रद पश्चात बैंकको पूँजी झण्डै ७ अर्ब रुपैयाँ पुग्नेछ ।
यस अघि बैंकले प्रतिकित्ता ९७१ रुपैँयामा ६७ हजार ७ सय ६७ कित्ता एफपीओ बेचेको थियो । बैंकको गत माघ २७ गते २३ औं बार्षिक साधारणसभाबाट लगानीकर्तालाई २८ प्रतिशत बोनस बितरण गर्दै ४० प्रतिशत हकप्रद जारी गर्ने प्रस्ताव पारित गरेको थियो ।
एसबीआई बैंकमा भारतको स्टेट बैंक अफ ईण्डियाको बहुमत सेयर लगानी छ । बैंकले ७३ शाखा, ८६ एटिएम तथा ६७८ जना कर्मचारी मार्फत सेवा प्रदान गर्दै आइरहेको छ ।
उता सोमबार नै ललितपुर फाइनाइन्सलाई पनि धितोपत्र बोर्डले शतप्रतिशत हकप्रद निष्काशनको अनुमति प्रदान गरेको छ । फाईनाइन्सले १८ करोड ७९ लाख ४५ हजार चार सय रुपैँया बराबरको १८ लाख ७९ हजार ४५४ कित्ता हकप्रद निष्काशनको अनुमति पाएको हो ।
फाईनाइन्सको प्रतिकित्ता एक सय रुपैंया अंकित मूल्यका सेयर निष्काशनको जिम्मा ग्लोबल आईएमई क्यापिटलले पाएको थियो ।
हाल फाइनाइन्सको चुक्ता पूँजी १८ करोड ७९ लाख ४५ हजार चार सय रुपैँया रहेको छ । हकप्रद जारी गरेपछि फाईनाईन्सको चुक्ता पूँजी ३७ करोड ५८ लाख ९० हजार आठ सय रुपैँया पुग्नेछ । राष्ट्र बैंकले तोकेको पूँजी पुर्याउन कम्पनीलाई थप १२ करोड ४१ लाख रुपैंया आवश्यक पर्नेछ ।
