नोटः रकमलाई करोडमा देखाईएको छ ।प्रतिसेयर आम्दानीलाई बार्षिकीकरण गरिएको छ ।
प्रभु बैंकको खुद नाफा मेरोलगानीले आँकलन गरे भन्दा छ करोड रुपैयाँ कम हो ।
प्रभु बैंकले गत बर्षको तेस्रो त्रैमासको तुलनामा खुद ब्याज आम्दानी बढाउनुका साथै डुबेको कर्जा उठाई खुद नाफालाई ९२ प्रतिशतले बृद्धि गरेको छ । ब्याज आम्दानी तीन अर्ब ७५ करोड गरे पनि तेस्रो त्रैमासमा निक्षेपको ब्याज बढाउनु परेकाले झण्डै दोब्बर खर्च बढ्दा खुद ब्याज आम्दानी झण्डै ६० प्रतिशतले बढ्नु पनि धेरै राम्रो पक्ष हो । उसको निक्षेप तथा कर्जा परिचालनको अबस्था हेर्दा कर्जाको ब्याज बढाएको अबस्थामा खुद ब्याज अरु आम्दानी चौथो त्रैमासमा बढ्नसक्छ ।
बैंकले निस्क्रिय कर्जा अनुपात घटाएर पनि प्रोभिजन बढाएको छ र आगामी दिनहरुमा खराब कर्जाको अनुपात अरु घटाएर आशातित प्रगति गर्ने धेरै संभावना छ ।
गत बर्षको खुद नाफाबाट कुनै लाभांश दिन नसकेको बैंकले चुक्ता पूँजी आठ अर्ब पुर्याउन ४० प्रतिशत हकप्रद सेयर बिक्री गर्दैछ ।