एनसीसीले पचास प्रतिशत हकप्रदको प्रस्ताव पारित गराउने मुख्य एजेण्डा सहित विशेष साधारण सभा बोलाएको थियो ।
नियमित साधारण सभा नगरी विशेष साधारणसभा गर्न लागिएको भन्दै एनबी समूहले कम्पनी रजिष्ट्रार कार्यालयमा त्यसलाई रोक्न माग गर्दे उजुरी गरेको थियो । । स्रोतका अनुसार आर्थिक समस्यामा परेको एनबी समूहले हकप्रद बापतको रकम जुटाउन नसक्ने भएपछि विशेष साधारणसभा रोक्ने रणनीति अख्तियार गरेको हो ।
एनसीसीले राष्ट्र बैंकले तोकेको आठ अर्ब रुपैयाँ चुक्तापूँजी पूर्याउन अढाई महिनाको अवधि मात्र बाँकी रहदा पचास प्रतिशत हकप्रदबाट तोकिएको पूँजी पूर्याउने योजना पारित गर्न खोजेको थियो । अब त्यो योजना अवरुद्ध भएपछि निर्धारित समयमा चुक्तापूँजी पुर्याउन बैंकलाई कठिनाई हुने देखिएको छ ।
एनसीसीले अब विशेष साधारण सभा नगरी नियमित साधारण सभा गर्नुपर्ने र गतबर्षको खुद नाफाबाट सकेसम्मको बोनस सेयर पनि वितरण गर्नुपर्ने बाध्यता आइलागेको छ । तर एनसीसीमा गाभिएका एपेक्स डेभलपमेन्ट बैंकको वित्तीय विवरणमा कैफियत देखिएपछि राष्ट्र बैंकले एनसीसीको वित्तीय विवरण स्विकृत गरेको छैन ।
बैंकका कम्पनी सचिव कपिल ज्ञवालिले अब बैंक नियमित साधारणसभाको प्रक्रियामा लागेको जानकारी दिए ।
एनसीसीमा मर्ज भएका पाँच वटै कम्पनीको वित्तीय विवरण राष्ट्र बैंकबाट जतिछिटो स्विकृत हुन्छ, त्यति नै छिटो साधारणभा बोलाउने तयारीमा छौ - उनले भने ।
नियमित साधारण सभामा बैंकले लेखा परीक्षण प्रतिवेदन, लाभांश प्रस्तावसहित आवश्यकता अनुसार अन्य विशेष प्रस्ताव ल्याउन सक्छ ।