एक अर्ब २९ करोड ६६ लाख रुपैँया चुक्ता पूँजी रहेको गरिमाले यस अवधिमा १३ अर्ब ३९ करोड निक्षेप संकलन, १२ अर्ब नौ करोड रुपैँया कर्जा लगानी गरि ५४ करोड ३७ लाख रुपैयाँ खुद व्याज आम्दानी गर्न सफल भएको छ ।
समिक्षा अवधिमा बैंकको खुद नाफा ६९.४९ प्रतिशत, चुक्ता पूँजी ५१.९७ प्रतिशत, खुद व्याज आम्दानी ७४.९२, निक्षेप ७०.७४ प्रतिशत र कर्जा लगानी ६८.६७ प्रतिशतले बढेको छ ।
बैंकको निष्कृय कर्जा अनुपात शुन्य दशमलव ७४ प्रतिशत छ । मूल्य आम्दानी अनुपात १३.७३ गुणा रहेको बैंकको प्रतिसेयर नेटवर्थ १३६ रुपैयाँ १७ पैसा र तरलता अनुपात २२.६६ प्रतिशत रहेको छ ।
बैशाख १४ गतेदेखि ७० प्रतिशत हकप्रद खुला गरिरहेको बैंकको हकप्रद निष्काशन पश्चात चुक्ता पूँजी दुई अर्ब २० करोड रुपैँया हाराहारीमा पुग्नेछ । चालु आर्थिक वर्षको कमाईबाट बैंकले थप ३० करोड रुपैंया पूँजी थप गर्नु पर्ने हुन्छ ।
बैंकको सेयर निष्काशन तथा बिक्री प्रबन्धक एस क्यापिटल तथा गरिमाका सबै शाखाहरुबाट सेयरधनीले हकप्रद भर्न सक्नेछन् । बैंकको हकप्रदमा जेठ १७ गतेसम्म आवेदन गर्न सकिन्छ ।