प्राइम बैंकले बिराटलक्ष्मीका सेयरधनीलाई एक सय कित्ता बराबर ७५ कित्ता तथा कन्ट्रीका सेयरधनीलाई एक सय कित्ता बराबर प्राइमको ४० कित्ता सेयर दिएर खरिद गरेको हो ।
दुई विकास बैंक प्राप्तिपछि प्राइमको चुक्तापुँजी ६ अर्ब ३२ करोड रुपैयाँ पुगेको छ । बैंकले आगामी असार मसान्तसम्ममा ८ अर्ब रुपैयाँ चुक्तापूँजी पुर्याउनु पर्नेछ । बाँकी एक अर्ब ६८ करोड रुपैंया पूँजी बैंकले चालु आर्थिक वर्षको कमाई, स्वापबाट बचेको रकम र अन्य स्रोतबाट बोनस सेयर जारी गरी आठ अर्ब पूँजी पुर्याउने लक्ष्य लिएको छ ।
दुई संस्थालाई खरिद गरेपछि बैंकको निक्षेप ५९ अर्ब ६९ करोड र कर्जा लगानी ५४ अर्ब ९८ करोड रुपैयाँ पुगेको छ । बैंकको शाखा संख्या ५५ पुगेको छ ।
साथै बैंकले राजधानीको न्युरोडमा रहेको केन्द्रीय कार्यालयलाई कमलपोखरीको आफ्नै भवनमा स्थान्तरण गरेको छ ।