चुक्ता पूँजी मात्रै हैन, उसको जगेडा कोष पनि ७२ करोड ८७ लाख रुपैयाँबाट चार अर्ब ७३ करोड नाघेको छ । उसको चुक्ता पूँजी र जगेडा कोष धेरै बढ्नुमा े हालै बिक्री गरेको थप नयाँ साधारण सेयर (एफपीओ) र त्यसको प्रिमियम हो । जगेडा कोषमा ५५६ प्रतिशतले बृद्धि गरेको नेपाल लाईफसँग लगानीकर्तालाई बोनस मात्र दिनुपर्ने चार अर्ब भन्दा बढी रकम छ ।
नेपाल लाईफले खुद नाफालाई समेत ७२ प्रतिशतले बढाएर ४० करोड नघाएको छ । यो बिमांकीय मुल्यांकन अघिको हिसाब भएकाले बास्तविक खुद नाफा यो भन्दा अरु धेरै हुनसक्छ ।
कारोबार बिस्तार तर्फ खुद बीमा शुल्क ६ अर्ब २३ करोडबाट ७ अर्ब ८१ करोड पुर्याएको नेपाल लाईफले बिमितहरुको संख्या पनि एक बर्षमा १६ हजारले बढाएर एक लाख २४ हजार नघाएको छ । उसको प्रतिसेयर आम्दानी १७ रुपैयाँ, प्रति सेयर नेटवर्थ २६० रुपैयाँ, मूल्य आम्दानी अनुपात १४१ गुणा र औसत प्रतिफल दर ७.५८ प्रतिशत रहेको छ ।
बीमा समितिले तोकेको जीवन बिमा कम्पनीहरुको चुक्ता पूँजी दुई अर्ब भन्दा धेरै कायम गरेकाले उसलाई पूँजी बृद्धि स्वेच्छिक बन्न गएको छ ।
नेपाल लाईफको बोनस दर ६२ रुपैयाँदेखि ८२ रुपैयाँसम्म रहेकाले जीवन बीमा गर्नेहरुले पनि राम्रै प्रतिफल हासिल गरिरहेका छन् ।