यसदिन सेयरबजारमा १४२ कम्पनीको ५७ करोड बढीको सेयर किनबेच भयो। अघिल्लो दिनको तुलनामा कारोबार रकममा भने १२ करोडले कमी आएको छ । यसदिन बजार पूँजीकरण ९ अर्बले बढेर १८ खर्ब ९८ अर्ब पुगेको छ ।
सोमबार कारोवारमा आएका अधिकांश समुह उकालो लाग्दा समग्र सेयर बजारमा सकारात्मक प्रभाव देखिएको हो । यसदिन होटल समुहको परिसुचक सवैभन्दा बढी ६१ दशमलव ३२ अंकले बढेको छ ।
त्यस्तै बीमा समुह ३८ दशमलव १७, जलविद्युत १२, विकास बैंक ११ दशमलव ७ बैंकिङ समुह ७ दशमलव ७१ अंकले बढेको छ । त्यसैगरी फाइनान्स समुहको परिसुचक ५ दशमलव ३९ अंकले बृद्धि भएको छ । यता अन्य समुहको परिसुचक भने ० दशमलव ८७ अंकले ओरालो लागेको छ ।
नेपाल एसविआई बैंक बैंक लिमिटेडको सवैभन्दा बढी ८ करोड ४४ लाख बराबरको कारोबार भएको छ । एसबिआई बैंकको ४० प्रतिशत हकप्रद सुरक्षित गर्ने आज अन्तिम दिन परेकाले यो बैंकको उच्च कारोबार भएको हो । नेपाल लाइफले करिब ३ करोड बराबरको कारोबार गर्दा सानिमामाइ हाइड्रो र सिभिल बैंकको पनि दुई करोड बढीको कारोबार भयो ।
आठ अंकले बढेको बजारमा मेरो माइक्रोफाइनान्सको सेयरमूल्य दश प्रतिशतले बढेको छ । किसान माइक्रो,महिला सहयात्रा माइक्रो, सोल्टी होटल लगायतका कम्पनीको सेयरमूल्य केही बढेको छ ।
सप्तोकाशी डेभलपमेन्ट बैंक, माउन्ट मकालु, श्री इन्भेष्टमेन्ट तथा कन्काई विकास बैंक लगायतका कम्पनीको सेयरमूल्य ओरालो लागेको छ ।
......मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।