सिटिजन्स् बैंकले एक सय रुपैयाँ अंकित दरको एक करोड ३८ लाख ४३ हजार ३ सय ७९ कित्ता अर्थात एक अर्ब ३८ करोड बराबरको हकप्रद सेयर जारी गरेको हो ।
सिटिजन्स बैंकले हकप्रद बिक्रीका लागि सानिमा क्यापिटललाई बिक्री प्रवन्धक तोकेको छ । हकप्रद सेयरमा सानिमा क्यापिटल लिमिटेड नारायणचौर नक्साल, सिटिजन्स बैंकको सम्पूर्ण शाखाहरु तथा बैंकको सहायक कम्पनी सिबिआईएल क्यापिटल लिमिटेड बाटुलेघर डिल्लीबजारबाट समेत आवेदन दिन सकिने छ ।
फागुन २५ गतेसम्म बैंकको सेयर किन्ने लगानीकर्ताले २५ प्रतिशत हकप्रदमा आवेदन गर्न सक्नेछन् । बैंकको असोज १६ गते सम्पन्न दशौं बार्षिक साधारणसभाले सेयरधनीलाई १० बराबर २।५ कित्ता हकप्रद बेच्ने प्रस्ताव पारित गरेको थियो ।
हाल बैंकको चुक्ता पूँंजी ५ अर्व ५३ करोड ७३ लाख रुपैयाँ रहेको छ । २५ प्रतिशत हकप्रद शेयरको बाँडफाँड पश्चात बैंकको चुक्ता पूँजी ६ अर्व ९२ करोड १६ लाख रुपैयाँ पुग्नेछ । चालु आर्थिक बर्षको मुनाफाबाट एक अर्ब बढीको बोनश वितरण गरेर बैंकले ८ अर्ब पूँजी पुर्याउने लक्ष्य लिएको छ ।
चालु आर्थिक बर्षको तेस्रो त्रैमाससम्म बैंकले ८८ करोड २८ लाख रुपैयाँ खुद नाफा गरेर प्रति सेयर आम्दानी २०.३४ रुपैयाँ कायम गरेको छ । बैंकको सेयर मंगलबार धितोपत्रबाजरमा प्रतिकित्ता ४०० रुपैयाँ हाराहारीमा कारोबार भएको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।