चालु आर्थिक वर्षको तेस्रो त्रैमासमा इन्स्योरेन्सले एक अर्ब एक करोड ३२ लाख रुपैयाँ बीमा शुल्क आर्जन गर्दा ५३ करोड ९० लाख रुपैयाँ दाबी भुक्तानी गरेको छ ।
गत आर्थिक वर्षको तेस्रो त्रैमासमा कम्पनीले ८५ करोड ५१ लाख रुपैयाँ बीमा शुल्क आर्जन गरेको थियो ।
५१ करोड २३ लाख रुपैयाँ चुक्ता पूँजी भएको कम्पनीले १० करोड ५७ लाख रुपैयाँको जगेडा कोष बनाएको छ भने बीमा कोषमा ५३ करोड ११ लाख रुपैयाँ राखेको छ ।
त्यस्तै जारी बीमा लेख संख्या एक लाख ४७ हजार २२१ र कुल तीन हजार छ सय ६४ वटा दाबी भुक्तानी गरेको प्रतिवेदनमा उल्लेख छ । अब कम्पनीले एक हजार चार सय ६९ वटा संख्याको ६९ करोड ४५ लाख रुपैयाँ दाबी भुक्तानी गर्न बाँकी रहेको छ ।
इन्स्योरेन्सको आम्दानी २२ करोड ६२ लाख रुपैयाँ पुगेको छ भने खर्च नौं करोड ६५ लाख रुपैयाँ रहेको छ । गत बर्ष १८ करोड ४७ लाख रुपैयाँ आम्दानी र सात करोड ४० लाख रुपैयाँ खर्च रहेको थियो ।
एनएलजी इन्स्योरेन्सको प्रतिसेयर आम्दानी ३३ रुपैयाँ ७७ पैसा रहेको इन्स्योरेन्सको प्रति सेयर नेटवर्थ दुई सय ३० दशमलव २८ रुपैयाँ, तरलता अनुपात दुई प्रतिशत र मुल्यआम्दानी अनुपात ५० दशमलव ९३ प्रतिशत रहेको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
