बैशाख २५ गते बसेको बैंक सञ्चालक समितिको बैठकले हकप्रद सेयर निष्काशन सम्बन्धि निर्णय फिर्ता गर्ने र सिद्धार्थ डेभलपमेन्ट बैंकलाई प्राप्ति गर्ने प्रस्ताव अनुमोदन गर्न विशेष साधारणसभा बोलाएको हो ।
त्रिवेणीलाई गाँभेको जनता बैंकले सिद्धार्थलाई समेत किन्दा राष्ट्र बैंकले तोकेको आठ अर्ब चुक्तापूँजी पूग्ने भएपछि लगानीकर्तालाई हकप्रद भारी नबोकाउने राम्रो निर्णय गरेको छ । कम्पनीले हकप्रद बिक्री गर्दा लगानीकर्ताबाट पैसा असुल्ने भएकोले अहिले धेरै कम्पनीका लगानीकर्ता रकम जोहो गनुपर्ने तनाबमा छन ।
जनता र त्रिवेणीले यसअघिनै भारी मात्रामा हकप्रद निष्काशनगरी पूँजी बढाएका थिए भने सिद्धार्थले गत वैशाख ७ गतेदेखि ६० प्रतिशत हकप्रद बिक्री गरिरहेको छ । एकपछि अर्को हकप्रद किन्नु पर्दा रकमको जोहो गर्ने तनाबमा रहेका लगानीकर्तालाई यो निर्णयले केही राहात मिलेको छ ।
बैकले जेठ १३ गते गर्ने विशेष साधारणसभामा सिद्धार्थलाई एक बराबर एक स्वाप रेशियोमा प्राप्ति गर्ने प्रस्ताव पेश हुनेछ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
