समिक्षा अवधिमा डिप्रोक्सको चुक्ता पूँजी ३४ करोड ८१ लाख र प्रतिसेयर आम्दानी ५९.९० रुपैयाँ रहेको छ भने नेरुडेको चुक्ता पूँजी २१ करोड ६० लाख र प्रतिसेयर आम्दानी ४८.५० रुपैयाँ पुगेको छ । यस अवधिमा डिप्रोक्स र नेरुडेको जगेडाकोष क्रमश ३८ करोड ९६ लाख रुपैयाँ तथा २२ करोड १८ लाख पुगेको छ ।
डिप्रोक्सले समिक्षा अवधिमा एक अर्ब ५३ करोड ५ लाख निक्षेप सङ्कलन गरि पाँच अर्ब ६ करोड ७७ लाख कर्जा प्रवाह तथा २० लाख १० हजार लगानी गरेको छ । जसबाट कम्पनीले चार करोड ५० लाख खुद व्याज आम्दानी तथा २८ करोड १८ लाख सञ्चालन नाफा कमाएको छ । तेस्रो त्रैमाससम्ममा कम्पनीले सम्भावित नोक्सानीका लागि पाँच करोड ९० लाख व्यवस्था र चार करोड ५८ लाख ४९ करोड खराब कर्जा उठाएर निष्क्रिय कर्जालाई कम्पनीले शून्य दशमलव ७० प्रतिशत झारेको छ ।
उता नेरुडेले एक अर्ब ३ करोड १२ लाख निक्षेप सङ्कलन गरि दुई अर्ब ९८ करोड ९५ लाख कर्जा प्रवाह तथा एक करोड २३ लाख १९ हजार लगानी गरेर कम्पनीले २३ करोड ६५ लाख ८६ हजार खुद ब्याज आम्दानी र १२ करोड ३४ लाख सञ्चालन नाफा गरेको छ । तेस्रो त्रैमाससम्ममा कम्पनीले सम्भावित नोक्सानीका लागि एक करोड ७ लाख व्यवस्था गरेको छ भने निष्क्रिय कर्जालाई नेरुडेले शून्य दशमलव ८३ प्रतिशतमा झारेको छ ।
