लक्ष्मी बैंकले तीन अर्ब १५ करोड ९० लाख ३० हजार तीन सय रुपैँया बराबरको तीन करोड १५ लाख ९० हजार ३०३ कित्ता हकप्रद जारी गरेकोे हो ।
अहिले बैंकको चुक्ता पूँजी तीन अर्ब १५ करोड ९० लाख ३० हजार तीन सय रुपैयाँ रहेको छ ।सोही पूँजी बराबरको शतप्रतिशत हकप्रद निष्काशन गरेपछि बैंकको चुक्ता पूँजी ६ अर्ब ३२ करोडको हाराहारीमा पुग्ने छ । उक्त पूँजीको १८ दशमलव २९ प्रतिशत बोनस बाँडेपछि बैंकको चुक्ता पूँजी साढे सात अर्ब रुपैँया नाघ्नेछ ।
बैंकको हकप्रद निष्काशन तथा बिक्री प्रवन्धकको जिम्मेवारी सिद्धार्थ क्यापिटलले पाएको छ । बैकको सेयरमा चैत १७ गतेसम्म सेयरधनी बनेका लगानीकर्ताले लक्ष्मी बैंकका सबै शाखा तथा सिद्धार्थ क्यापिटल नक्सालबाट हकप्रदमा आवेदन गर्न सक्नेछन् ।
यसअघि प्रोफेसनल दियालो विकास बैंकलाई समेत गाभेर एकिकृत कारोबार थालेको बैंकले उक्त विलय पश्चात कायम पूँजीको शतप्रतिशत हकप्रद निष्काशन गरेको हो ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।