लिलामी सेयर सर्कान ईच्छुक लगानीकर्ताले जेठ ५ गते शुक्रबारदेखि ११ गते विहीबारसम्म बिक्री प्रबन्धक एनएमबि क्यापिटल लिमिटेड नागपोखरीमा बोलपत्र पेस गर्न सक्नेछन् । लगानीकर्ताले न्यूनतम एक सय रुपैयाँ माथि मूल्य तोकेर सर्वसाधारण सेयरमा न्यूनतम एक सय तथा संस्थापक सेयरमा न्यूनतम एक हजार कित्तादेखि अधिकतम सबै कित्ताका लागि बोलपत्र पेश गर्न सक्नेछन् । बोलपत्र पेश गर्दा १० कित्ताको गुणांकमा आवेदन गर्नुपर्ने हुन्छ ।
इन्स्योरेन्सले संस्थापक समुहको सेयरको बोलपत्र जेठ १२ गते दिउँसो १.३० बजे र साधारणको दिउँसो २ बजे एनएमबि क्यापिटल नागपोखरी काठमाडौंमा खोली १९ गते बाँडफाँड गर्ने जनाएको छ । सेयर नपाउने लगानीकर्ताले जेठ २४ गतेदेखि रकम फिर्ता पाउनेछन् ।
नेकोले फागुन ३ देखि चैत ७ गतेसम्म शतप्रतिशत हकप्रद सेयर बिक्री खुला गरेकोमा सो समयमा नबिकेको सेयर अहिले बेच्न लागेको हो ।
कम्पनीको सेयर विहीबार प्रतिकित्ता ११७० रुपैयाँमा कारोबार भएको छ । शतप्रतिशत हकप्रदपछि कम्पनीको चुक्ता पूँजी ६४ करोड ८० लाख नाघेको छ । बीमा कम्पनीले तोकेको एक अर्ब चुक्ता पूँजी पुर्याउन अब कम्पनीलाई ३५ करोड १९ लाख रुपैयाँ बढि थप्नुपर्नेछ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।