बैंकले एक सय रुपैयाँ अंकित मूल्यमा ६१ करोड ७० लाख ८६ हजार ५०४ रुपैयाँको ६१ लाख ७० हजार ८६५ कित्ता शेयर निष्काशन गर्न लागेको हो । हाल बैंकको चुक्तापूँजी एक अर्ब ५४ करोड २७ लाख रुपैंया पुगेको छ ।
चालीस प्रतिशत हकप्रद बिक्री गरेपछि बैंकको पूँजी दुई अर्ब १६ करोड पुग्नेछ । बैंकले चालु आर्थिक बर्षको अन्त्यसम्ममा दुई अर्ब ५० करोड पुर्याउनु पर्ने हुन्छ । नपुग पूँजी बैंकले चालु आर्थिक बर्षको बोनसबाट पुर्याउने बताएको छ ।
बैंकले गत आर्थिक वर्षमा ५० प्रतिशत हकप्रद बिक्री गरेको थियो भने अघिल्लो आर्थिक वर्षको मुनाफाबाट ३४ प्रतिशत बोनस गरी ८४ प्रतिशतले पूँजी बढाएको थियो ।
बैंकको शेयर निष्काशन तथा बिक्री प्रबन्धकमा एनआईबीएल क्यालिटल लिमिटेड रहेको छ ।
बैंकले चालु आर्थिक वर्षको तेस्रो त्रैमाससम्म आईपुग्दा ३५ करोड ५१ लाख रुपैयाँ खुद मुनाफा कमाएको छ । जुन गत वर्षको सोहि अवधिको तुलनाभन्दा ४३ प्रतिशतले बढी हो । बैंकको प्रतिसेयर आम्दानी ३० रुपैंया ६९ पैसा कायम भएको छ ।
बैंकले चैतको अन्त्यसम्ममा १५ अर्ब १४ करोड ८३ लाख रुपैँया निक्षेप संकलन गरेर १४ अर्ब १७ करोड ४८ लाख रुपैँया कर्जा परिचालन गरेको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
