नेपाल धितोपत्र बोर्डले एकैदिन चार कम्पनीलाई दुई अर्ब ६५ करोड १३ लाख बराबरको हकप्रद बिक्री गर्ने अनुमति दिएको छ । बोर्डले आइतबार दुई वाणिज्य बैंक र दुई विकास बैंकलाई हकप्रद निष्कासनको अनुमति प्रदान गरेको हो ।

बोर्डमा आवेदन गरेकामध्ये सिद्धार्थ बैंक (SBL) , माछापुच्छ्रे बैंक (MBL), अल्पाइन डेभलपमेन्ट बैंक(ALDBL) र कन्चन डेभलपमेन्ट बैंक (KADBL) ले हकप्रद निष्कासनको अनुमति पाएका हुन ।

माछापुच्छ्रे बैंकले हाल कायम चुक्तापूँजीका १२ प्रतिशत, सिद्धार्थले ३० प्रतिशत, कञ्चन डेभलपमेन्ट बैंकले ३० प्रतिशत तथा अल्पाइनले ६९ प्रतिशत हकप्रद जारी गर्ने अनुमति पाएका हुन ।

सिद्धार्थ बैंकले १ अर्ब ५७ करोड ५२ लाख ५७ हजार ८१३ रुपैयाँको १ करोड ५७ लाख ५२ हजार ५७८ कित्ता हकप्रद सेयर जारी गर्नेछ । हाल बैंकको चुक्ता ५ अर्ब २५ करोड ८ लाख ५९ हजार रुपैयाँ छ ।
जसको बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।

चालु आर्थिक वर्षको तेस्रो त्रैमासमा बैंकले ९५ करोड ७० लाख १४ हजार रुपैयाँ खुद नाफा कमाएको छ । सिद्धार्थको प्रतिसेयर आम्दानी २४ रुपैयाँ ३० पौस ( बार्षिक) र प्रतिसेयर नेटवर्थ १५३ रुपैयाँ ७६ पैसा छ ।

माछापुच्छ्रे बैंकले १०ः१.२ अनुपातमा प्रतिकित्ता १०० रुपैयाँ दरको ७९ लाख १८ हजार ४४० कित्ता हकप्रद सेयर निष्कासनका लागि अनुमति पाएको हो । बैंकको हकप्रद एनएमबि क्यापिटल लिमिटेडले बिक्री गर्देछ ।

बैंकको चुक्ता पुँजी ६ अर्ब ५९ करोड ८७ लाख रुपैयाँ छ ।

बैंकले चालु आर्थिक वर्षको तेस्रो त्रैमासमा १ अर्ब ५१ लाख ५२ हजार रुपैयाँ खुद नाफा कमाएको छ । बैंकको प्रतिसेयर आम्दानी २४ रुपैयाँ ६९ पैसा र प्रतिसेयर नेटवर्थ १२६ रुपैयाँ ६० पैसा छ ।

यस्तै, कञ्चन डेभलपमेन्ट बैंकलाई पनि धितोपत्र बोर्डले ३० प्रतिशत हकप्रद सेयर बिक्री गर्ने अनुमति पाएको छ । कञ्चनले एक सय रुपैयाँ दरको १० लाख ३९ हजार ५०० कित्ता हकप्रद सेयर निष्कासन गर्न अनुमति पाएको हो ।

बैंकको ग्लोबल आइएमई क्यापिटल लिमिटेडले बिक्री प्रबन्धकको काम गर्दैछ ।

बैंकको चुक्ता पुँजी ३४ करोड ६५ लाख रुपैयाँ छ । कञ्चनले तेस्रो त्रैमाससम्मा ४ करोड ५९ लाख २३ हजार रुपैयाँ खुद नाफा पनि कमाएको छ । यसको प्रतिसेयर आम्दानी (वार्षिक) १७ रुपैयाँ ६७ पैसा र प्रतिसेयर नेटवर्थ १२३ रुपैयाँ ६३ पैसा छ ।

सेञ्चुरी कमर्शियल बैंकले आफुमा विलय गर्ने सम्झौता गरिसकेको अल्पाइन डेभलपमेण्ट बैंकले पनि धितोपत्र बोर्डमा झण्डै ६९ प्रतिशत हकप्रद सेयर निष्काशनको अनुमति पाएको छ ।

प्रति तीन कित्ता बराबर दुई दशमलव शुन्य आठ कित्ताको अनुपातमा हकप्रद निष्कासन गर्न लागेको अल्पाइनको हाल चुक्ता पूँजी २६ करोड रुपैंया रहेको छ । हकप्रद पश्चात उसको चुक्ता पूँजी ४० करोड ७५ लाख हाराहारीमा पुग्नेछ ।

अल्पाइनको हकप्रद एनएमबि क्यापिटलले बिक्री गर्नेछ ।

....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।